Մրցաշարը կազմակերպել էին «Հույսի կամուրջ» և «Առաքելություն Արևելք» կազմակերպությունները ՀՀ ֆուտբոլի ֆեդերացիայի աջակցությամբ: Մրցաշարին աջակցում էին «Կոկա-Կոլա» ՀԲՔ Արմենիա ընկերությունը և Orange Fitness ակումբը:

Նախաձեռնության նպատակը հաշմանդամություն ունեցող մարդկանց համար հավասար հնարավորությունների գաղափարը քարոզելն է: Հենց այս է պատճառը, որ արդեն ավանդույթ դարձած մրցաշարին մասնակցում են լրատվամիջոցների ներկայացուցիչներից կազմված թիմերը:

Նոյեմբերի 30-ից դեկտեմբերի 10-ը իրենց ուժերը չափեցին 12 թիմ` «Արմենպրես», «Հայկական ժամանակ»,  «Երկիր մեդիա», «Գիտունիկ», «Mamul.am», «Մեդիամաքս», «Չորրորդ իշխանություն», «Starsbyart.com», «Epress.am, «Օրդֆիլմ», «Արևածաղիկ» լրատվական թիմերը, որոնց միացել էր նաև մեր ուժեղագույն շախմատիստներից կազմված թիմը:

Փակման արարողությանը մասնակիցներին ողջունեց «Հույսի կամուրջ» ՀԿ նախագահ Սուսաննա Թադևոսյանը.

- Շնորհավորում եմ բոլորիս, որովհետև այս մրցաշարին չկան հաղթողներ և պարտվողներ, հաղթում է գաղափարը: Դեկտեմբերի 10-ը նաև մարդու իրաավունքների միջազգային օրն է: Եվ հատկանշական է, որ հենց այսօր ենք ամփոփում մրցաշարի արդյունքները:

ՀՀ աշխատանքի և սոցիալական հարցերի նախարարության հասարակայնության հետ կապերի բաժնի պետ Հասմիկ Խաչատրյանը նշեց, որ նախարարությունն ամեն տարի բարի նախանձով է հետևում մրցաշարին.

- Գուցե հաջորդ տարի մենք էլ մեր թիմով մասնակցենք և խաղանք հանուն հավասար հնարավորությունների:

«Կոկա-Կոլա Արմենիա» ընկերության հասարակայնության հետ կապերի տնօրեն Արա Բրուտյանը շնորհակալություն հայտնեց կազմակերպիչներին և հավելեց.

- Մեր ընկերությունը միշտ կարոևրում է հաշմանդամություն ունեցող մարդկանց իրավունքների պաշտպանությունը և շատ ուրախ ենք, որ արդեն 4-րդ տարին է, կարողանում ենք աջակցել այս մրցաշարին:

Եզրափակիչ խաղին հաջորդած մրցանակաբաշխության ժամանակ մրցանակներ հանձնվեցին նաև տարբեր անվանակարգերում լավագույնը ճանաչված մասնակիցներին.

Լավագույն դարպասապահ` Արթուր Առաքելով, «Չորրորդ իշխանություն»

Լավագույն պաշտպան` Էդուարդ Հայրապետյան, «Մեդիամաքս»

Լավագույն կիսապաշտպան` Սամվել Ջինանյան, «Երկիր մեդիա»

Լավագույն հարձակվող` Արամ Արոյան, epress.am

Մրցաշարի լավագույն գոլի հեղինակ` Դավիթ Նազարյան, epress.am

Մրցաշարի լավագույն ռմբարկու` Արտավազդ Գրիգորյան (8 գնդակ), «Երկիր մեդիա»

Մրցաշարի լավագույն ֆուտբոլիստ` Դավիթ Նազարյան, epress.am

Մրցաշարը լավագույնս լուսաբանելու համար շնորհակալագրեր ստացան «Չորրորդ իշխանություն» և epress.am լրատվամիջոցները:

Մրցաշարի հաղթողին ու մրցանակակիրներին ինչպես նաև անհատական անվանակարգերում հաղթողներին բրենդային նվերներ հանձնեց Կոկա կոլա ընկերությունը: Չեմպիոնի համար նվերներ էր պատրաստել նաև Օրանժ թենիսի և ֆիթնեսի ակումբը:Click to view slideshow.

‎«Արևածաղիկ» հաշմանդամության խնդրի լուսաբանման 9-րդ մրցույթի Հատուկ մրցանակը շնորհվեց է Մերի Ալեքսանյանին, www.hra.am առցանց պարբերական «Հարգելի՛ Գրիգոր Ամալյան, բացե՛ք ձեր ականջները, որ լսեք մեր անձայն ձայնը» տեսանյութի համար

Դեկտեմբերի 9-ին կայացավ  «Հավասար հնարավորություններ» ԶԼՄ 9-րդ մրցույթի մրցանակաբաշխությունը: Ամենամյա մրցույթի նպատակը հաշմանդամություն ունեցող մարդկանց համար հավասար հնարավորությունների գաղափարը քարոզելն է:

«Հույսի կամուրջ» և «Առաքելություն Արևելք» կազմակերպությունների հայտարարած լավագույն հրապարակման (մամուլ, ռադիո, հեռուստատեսություն և էլեկտրոնային) ամենամյա «Արևածաղիկ» մրցույթին այս տարի մասնակցել էր 44 լրագրող Երևանից և հանրապետության մարզերից: Ներկայացվել է 60 աշխատանք (40 տպագիր, 5 ռադիո, 15 հեռուստատեսային):

Հանձնաժողովի գնահատմանը կարող էին ներկայացվել 2010 թ. նոյեմբերի 20-ից 2011 թ. նոյեմբերի 20-ը հրապարակված նյութերը, որոնք պետք է հիմնված լինեին հաշմանդամության խնդիրների խոր և համակողմանի ուսումնասիրության վրա, վեր հանեին հաշմանդամություն ունեցող մարդկանց հիմնախնդիրները` ներկայացնելով դրանց հաղթահարման դրական օրինակներ, նպաստեին նրանց համար հավասար հնարավորությունների ստեղծման գաղափարին և պահպանեին հաշմանդամություն ունեցող մարդկանց նկարահանելու և ձայնագրելու էթիկան:

Թեև այս տարի ներկայացված էին նաև մուլտիմեդիային նյութեր, ժյուրին բոլոր աշխատանքները գնահատեց` ելնելով արդեն իսկ սահմանված անվանակարգերից և դասական մեդիայի չափանիշներին համապատասխան, նոր անվանակարգերը թողնելով հաջորդ` 2012-ի համար:

«Լավագույն տեսանյութ» անվանակարգում 1-ին մրցանակին արժանացավ  «Շողակաթ» հեռուստաընկերության լրագրող Լիանա Մինասյանը, 2-րդ մրցանակը շնորհվեց «Ազատություն» ռադիոկայանի լրագրող Հասմիկ Սմբատյանին` ներկայացված տեսանյութի համար: «Ար» հեռուստաընկերության լրագրող Արմինե Օլեյանն արժանացավ 3-րդ մրցանակին:

Գնահատող հանձնաժողովը «Լավագույն տպագիր նյութ» անվանակարգում 1-ին մրցանակ չշնորհեց:  2-րդ մրցանակին արժանացավ Արփի Մաղաքյանը` haynews.am, 3-րդ մրցանակին` Փառանձեմ Հովհաննիսյանը` «Մեդիալաբ» լրատվական կայքերից:

Խրախուսական մրցանակների արժանացան «Երկիր մեդիա» հեռուստաընկերության լրագրող Աննա Հայրապետյանը, «Անկախ» շաբաթաթերթի լրագրող Անի Գասպարյանը և Մանե Գրիգորյանը` haynews.am լրատվական-վերլուծական ինֆորմացիոն կայքից:

«Լավագույն ռադիոնյութ»  անվանակարգում մրցանակներ չշնորհվեցին:

Հատուկ մրցանակը շնորհվեց Մերի Ալեքսանյանին` hra.am առցանց պարբերականում զետեղված «Հարգելի՛ Գրիգոր Ամալյան, բացե՛ք ձեր ականջները, որ լսեք մեր անձայն ձայնը» նյութի համար:

Մրցանակաբաշխության ընթացքում ՀՀ աշխատանքի և սոցիալական հարցերի նախարարությունը շնորհակալագիր հանձնեց «Առավոտ» օրաթերթին հաշմանդամության խնդիրը պարպերաբար լուսաբանելու և հավասար հնարավորությունների գաղափարի տարածմանը հետամուտ լինելու համար:

Click to view slideshow.

Նախաձեռնության նպատակը հաշմանդամություն ունեցող մարդկանց համար հավասար հնարավորությունների ստեղծման գաղափարը քարոզելն է:

Մրցաշարն արդեն հինգերորդ անգամ իրականացվում է ՀՀ ֆուտբոլի ֆեդերացիայի աջակցությամբ. բոլոր խաղերն անշահախնդրորեն սպասարկում են բարձրակարգ մրցավարներ: Ֆինանսական աջակցությունը` Դանիայի միջազգային զարգացման գործակալության: Մրցաշարին աջակցում է նաև «Կոկա-Կոլա» ՀԲՔ Արմենիա ընկերությունը:

Նոյեմբերի 30-ից դեկտեմբերի 10-ը «Միկա» մարզահամալիրում կմրցեն Արմենպրես, Հայկական ժամանակ,  Երկիր մեդիա, Գիտունիկ, Mamul.am, Մեդիամաքս, Չորրորդ իշխանություն, Starsbyart.com, Epress.am, Օրդֆիլմ, Արևածաղիկ լրատվական թիմերը, որոնց կմիանա նաև մեր ուժեղագույն շախմատիստների կազմված թիմը:

Մրցաշարը կանցկացվի «Միկա» մարզահամալիրում: Կմրցեն լրատվամիջոցներից կազմված թիմերը, որոնց կմիանան նաև մեր ուժեղագույն շախմատիստներից, ըմբիշներից և շուբիզնեսի ներկայացուցիչներից կազմված թիմեր:

Մրցաշարը կազմակերպվում է 5-րդ անգամ: Այն իրականացվում է ՀՀ ֆուտբոլի ֆեդերացիայի աջակցությամբ. բոլոր խաղերն անշահախնդրորեն սպասարկում են բարձրակարգ մրցավարներ: Ֆինանսական աջակցությունը` Դանիայի միջազգային զարգացման գործակալության: Մրցաշարին աջակցում է նաև «Կոկա-Կոլա» ՀԲՔ Արմենիա ընկերությունը:

Մասնակցության պայմանները

- Մրցաշարին կարող են մասնակցել լրատվամիջոցների սիրողական ֆուտբոլային թիմեր: Արգելվում է թիմերի կազմում ընդգրկել այն աշխատակիցներին, ովքեր 2007-2011 թվականներին
հանդես են եկել ՀՀ ֆուտբոլի առաջնություններում:

- Յուրաքանցյուր լրատվամիջոց կարող է ներկայանալ 1 թիմով: Այն ԶԼՄ-ները, որոնք հնարավորություն չունեն սեփական ուժերով թիմ ստեղծել, կարող են միանալ այլ լրատվամիջոցների:

- Մասնակցության հայտը պետք է ներկայացնել մասնակիցների ցանկով, լրատվամիջոցը ներկայացնող ղեկավարի ստորագրությամբ և համապատասխան կնիքով: Հարկավոր է կից ներկայացնել նաև մասնակիցների անձնագիրների պատճեները:

- Հայտերն ընդունվում են մինչև 2011 նոյեմբերի 23-ը` ժամը 17:00: Դրանք պետք է ներկայացնել «Հույսի կամուրջ» ՀԿ գրասենյակ` Կորյունի 19 ա հասցեով, կամ ուղարկել aram-manukyan@mail.ru հասցեին:

Մանրամասն տեղեկությունների, ինչպես նաև մրցաշարի կանոնակարգը ձեռք բերելու համար դիմել Արամ Մանուկյանին 077-18-18-38, 055-18-18-38, 010 56-01-43 հեռախոսահամարներով:

«Հույսի կամուրջ» և «Առաքելություն Արևելք» կազմակերպությունները հայտարարում են լուսանկարների մրցույթ «Կրթություն բոլորի համար» խորագրով: Մրցույթին կարող են մասնակցել Խաչատուր Աբովյանի անվան հայկական պետական մանկավարժական համալսարանի այն ուսանողները, որոնք իրենց պրակտիկան անց են կացնում ներառական կրթություն իրականացնող դպրոցներում:

Մրցույթի նպատակն է բարձրացնել ուսանողների իրազեկությունը ներառական կրթության վերաբերյալ և խթանել ներառական կրթության հանդեպ նրանց ուշադրությունը:

Մրցույթի պահանջն է ներկայացնել հաշմանդամ կամ կրթության առանձնահատուկ պայմանների կարիք ունեցող երեխաների կրթության գործընթացը ներառական կրթություն իրականացնող դպրոցներում:

Լավագույն լուսանկարները կներկայացվեն նույեմբերի 15-ից դեկտեմբերի 15-ը անցկացվող Հաշմանդամություն ունեցող մարդկանց իրավունքների պաշտպանության միամսյակի ցուցահանդեսին:

Սահմանված են հետևյալ մրցանակները.

• երրորդ մրցանակ`20.000 դրամ,
• երկրորդ մրցանակ`30.000 դրամ,
• առաջին մրցանակ`50.000 դրամ:

Մրցույթին մասնակցելու համար անհրաժեշտ է ներկայացնել`

• մեկ լուսանկար կամ լուսանկարների շարք (ֆոտոպատմություն) էլեկտրոնային տարբերակով (ամենափոքր չափսը` 300kb),
• պրակտիկայի մասին հաստատող փաստաթուղթ Հայկական պետական մանկավարժական համալսարանից,
• մասնակցության հայտը:

Հայտերն ուղարկել մինչև նոյեմբերի 1-ը zara.batoyan@gmail.com էլ. փոստին կամ Կորյունի 19 ա, 2-րդ հարկ «Հույսի կամուրջ» ՀԿ գրասենյակ:

Մրցույթի նպատակը հաշմանդամություն ունեցող մարդկանց համար հավասար հնարավորությունների գաղափարի քարոզումն է:
Մրցույթին կարող են ներկայացվել 2010 թ. նոյեմբերի 20-ից 2011թ. նոյեմբերի 20-ը հրապարակված նյութերը:
Ընդունման վերջնաժամկետն է 2011թ. նոյեմբերի 21-ը:

Արդյունքները կամփոփվեն, և հաղթող հրապարակումները մրցանակաբաշխության արարողությանը կներկայացվեն 2011 թ.դեկտեմբերի 3-ին:

Սահմանված են`
• գլխավոր մրցանակ լավագույն հրապարակման համար` բարձրակարգ համակարգիչ կամ համարժեք գումար,
• 1-ին, 2-րդ և 3-րդ մրցանակ լավագույն հեռուստա-, ռադիոհաղորդման և տպագիր նյութի համար
• հատուկ մրցանակ,
• խրախուսական մրցանակներ:

Մրցանակները տրվելու են ոչ թե հեռարձակող ընկերություններին կամ խմբագրությանը, այլ լրագրողին: Յուրաքանչյուր լրագրող կարող է ներկայացնել առավելագույնը 3 աշխատանք, որոնք չեն կրկնվում ԶԼՄ այլ տեսակներով, ինչպես, օրինակ, տպագրված հոդվածի ռադիոտարբերակը:

ՄՐՑՈՒՅԹԻ ՉԱՓԱՆԻՇՆԵՐԸ

Մրցութային աշխատանքները (տպագիր, էլեկտրոնային, հեռուստատեսային, ռադիո) պետք է`

• հիմնված լինեն հաշմանդամության կրթական, աշխատանքային, գենդերային, սոցիալական և այլ խնդիրների խորը և բազմակողմանի ուսումնասիրության վրա.

• վեր հանեն հաշմանդամություն ունեցող մարդկանց հիմնախնդիրները` ներկայացնելով դրանց հաղթահարման դրական օրինակներ.

• նպաստեն հաշմանդամություն ունեցող մարդկանց համար հավասար հնարավորությունների ստեղծման գաղափարին.

• հիմնվեն վավերագրական նյութի վրա` ներկայացնելով իրական պատմություններ` իրական մարդկանց կենդանի խոսքի օգտագործմամբ.

• պահպանեն հաշմանդամություն ունեցող մարդկանց նկարահանելու եւ ձայնագրելու էթիկան:

 Խրախուսվում է անդրադարձը կամ հղումը Հաշմանդամություն ունեցող անձանց իրավունքների կոնվենցիային (ՀՀ-ում ուժի մեջ է մտել 2010թ. Հոկտեմբերի 22-ին):

Մասնակցության հայտը` այստեղ:

Մանրամասն տեղեկությունների համար դիմել «Հույսի կամուրջ» ՀԿ` Զարուհի Բաթոյանին
Երևան, Կորյունի 19ա, 1-ին մուտք, 2-րդ հարկ,
Հեռախոսներ` 56-01-43, 58-91-86,
Կայքէջ` www.bridgeofhope.am, zara@bridgeofhope.am

Մրցաշարը կազմակերպել են «Հույսի կամուրջ» և «Առաքելություն Արևելք» կազմակերպությունները Երևանի Տիգրան Պետրոսյանի անվան շախմատի տան հետ համատեղ:
«Սպորտը` հանուն հավասար հնարավորությունների» մրցաշարի նպատակը հաշմանդամություն ունեցող մարդկանց համար հավասար հնարավորությունների ապահովման գաղափարը քարոզելն է:

Ինչպես նախորդ տարի, այս անգամ ևս մրցաշարի պատվավոր հյուրն է գրոսմայստեր Լևոն Արոնյանը, ով իր խաղով միացել է հավասար հնարավորությունների գաղափարի տարածմանը:
Շախմատիստի սեանսից հետո կայացավ մրցանակաբաշխության հանդիսավոր արարողությունը:
Մրցաշարի առաջին օրը` հունիսի 24-ին, շվեյցարական մրցակարգով երեք մրցանակային տեղերի համար իրենց ուժերը չափեցին հաշմանդամության խնդրով զբաղվող հասարակական կազմակերպությունների, լրատվամիջոցների ներկայացուցիչներ, դպրոցականներ և այլ անհատներ (22 մարդ):
«Սպորտը` հանուն հավասար հնարավորությունների» 2-րդ մրցաշարում երրորդ տեղը գրավեց Նորայր Շողիկյանը, երկրորդը` Սերոբ Ղազարյանը, իսկ առաջին պատվավոր տեղի մրցանակին արժանացավ Հարություն Հովակիմյանը:
Մրցանակ է սահմանված մրցաշարը լավագույնս լուսաբանող լրագրողի համար:

Միջոցառումը նախաձեռնել էին «Հույսի կամուրջ» և «Առաքելություն արևելք» կազմակերպությունները` Դանիայի միջազգային զարգացման գործակալության աջակցությամբ:

Ակցիան մեկնարկեց խաղաղ երթով, որին մասնակցեց ավելի քան 300 հաշմանդամ և ոչ հաշմանդամ մարդ Երևանից և հանրպետության 11 քաղաքներից (Ստեփանավան, Սևան, Կապան, Գավառ, Դիլիջան, Իջևան, Նոյեմբերյան, Բերդ, Սևան, Աբովյան, վարդենիս) : Քայլարշավը սկիզբ առավ Թումանյան փողոցից:

Մասնակիցները կրում էին  «Կրթություն բոլորի համար», «Տեղեկատվության մատչելիություն»,  «Արժանապատիվ կյանք», «Աշխատելու հնարավորություն բոլորին» և այլ կոչերով պաստառներ:

Երթից հետո Գաֆէսճեան քանդակների պարտեզում տեղի ունեցավ համերգ` հայտնի կատարողների մասնակցությամբ:

Համերգը կազմակերպվեց Գաֆէսճեան արվեստի կենտրոնի աջակցությամբ:

Համերգի ընթացքում անցկացվեց հաշմանդամություն ունեցող անձանց աշխատանքով ապահոված գործատուների մրցանակաբաշխությունը, որը կազմակերպվել էր ՀՀ աշխատանքի եւ սոցիալական հարցերի նախարարության հետ համատեղ: Աշխատավայրը հաշմանդամություն ունեցող անձանց հարմարեցնելու և նրանց աշխատանքի ընդունելու համար մրցանակի և պատվոգրի արժանացան Էյչ-Էս-Բի-Սի Բանկ Հայաստան և ՎիվաՍել-ՄՏՍ Հայաստան ՓԲԸ-ները:

Միջոցառման լուսանկաները դիտեք այստեղ:

«Հույսի կամուրջ» և «Առաքելություն Արևելք» կազմակերպություններն արդեն մի քանի տարի է, ինչ միջոցառումն իրականացնում են Հայաստանի դարցի ‎‎‎ֆեդերացիայի հետ համագործակցությամբ և Դանիայի միջազգային զարգացման գործակալության աջակցությամբ: Այս տարի միջոցառմանն իր աջակցությունն էր բերել նաև «Վիվա դոն» ընկերությունը:

Սպորտային ավանդական մրցապայքարով կազմակերպիչներն ամփոփեցին կականց միամսյակը և ևս մեկ անգամ հանրության ուշադրությունը հրավիրեցին հաշմանդամություն ունեցող կանանց հիմնախնդիրներին:

Մրցաշարին մասնակցություն էին բերել հաշմանդամության խնդրով զբաղվող հասարակական կազմակերպությունների և լրատվամիջոցների ներկայացուցիչներ` 45 մարդ, ինչպես նաև հայտնի մարդիկ` երաժիշտ Արա Գևորգյանը, շախմատի մինչև քսան տարեկանների աշխարհի չեմպիոն, գրոսմայստեր Զավեն Անդրիասյանը :

Մրցակցությունը թեժ էր, հաղթելու ցանկությունը մեծ: Տղամարդկանց և կանանց խմբերն առանձին-առանձին մրցեցին լավագույնի կոչման համար: Կանանց պայքարում առաջին հորիզոնակը զբաղեցրեց Հասմիկ Բաբայանը (Panarmenian.net), երկրորդը` Սոնա Ավետիսյանն էր («Հույսի կամուրջ» ՀԿ), իսկ երրորդը` Սվետլանա Ջանունցը («Հույսի կամուրջ» ՀԿ):

Տղամարդկանց մրցապայքարում հաղթող ճանաչվեց շախմատի մինչև քսան տարեկանների աշխարհի չեմպիոն,  գրոսմայստեր Զավեն Անդրիասյանը: Երկրորդ հորիզոնականը զբաղեցրեց Սամվել Ջինանյանը («Երկիր Մեդիա» ՀԸ), իսկ երորրդը` Հայկ Պետրոսյանն էր (TotalFootball.am):

Մրցաշարը լավագույնս լուսաբանելու համար պատվոգրի և հուշանվերի արժանացավ TotalFootball.am կայքի լրագրող Դավիթ Գալստյանը:

(Հոդվածը կարդացեք այստեղ  http://www.totalfootball.am/2011/04/44002/)